Episode 230 - Pravin Gordhan rooksein aan SA met uittrede

• Pravin Gordhan, minister van openbare ondernemings, gaan in die komende weke uit aktiewe politiek tree.
• Die algemene verkiesing op 29 Mei sal na verwagting die einde wees van 'n era vir Gordhan (74), 'n prominente figuur wat sedert die 1994-oorgang na demokrasie strategiese posisies in die regering beklee het.
• Gordhan het Donderdag in 'n eksklusiewe onderhoud met Business Day sy begeerte uitgespreek om sy gesin en gesondheid te prioritiseer en verklaar dat hy nie meer beskikbaar sal wees om op die ANC se partylys van verkiesingskandidate te wees nie.
• Netwerk 24 berig: Geen verrassing: Einde al lankal in sig vir Pravin se departement Pravin Gordhan, minister van openbare ondernemings, wat Vrydagoggend bevestig het hy tree ná vanjaar se verkiesing af, het in Januarie self die bal aan die rol gesit vir die einde van sy politieke loopbaan.
• Dit was toe hy die Wetsontwerp op Nasionale Staatsondernemings in die parlement ter tafel gelê het. Dit is die beloofde wetgewing wat voorsiening sal maak vir die skep van ’n superstaatskorporasie waarvan alle staatsondernemings dan filiale sal word. Dit sal effektiewelik Gordhan se hele departement vervang.
• Nuusagenda video: #PravinGordan rooksein aan SA dat sake net moeiliker gaan raak. ANC beleid en leierskap is groot rede vir die gemors waarin semi-staatsinstellings is .
• AfriForum het vandeesweek op verskeie terreine toegetree om munisipale verval en misdaad te stuit. Die organisasie se regspan het ook ’n dringende aanmaning aan Rand Water gestuur oor verminderde watervoorsiening aan sekere munisipaliteite weens agterstallige skuld.
• Charné Mostert video: AfriForum neem die Universiteit van Johannesburg hof toe vir sy beweerde kaping van sonkragpatente vanaf 'n voormalige universiteit Professor.
• Maroela Media berig: Nuwe taakmaglede hoogs opgelei, reg om misdaad te stuit Die polisie se spesiale taakmag het 13 nuwe lede verwelkom nadat honderde beamptes aanvanklik aansoek gedoen het om die moordende opleiding te deurloop.
• AfriForum se gespesialiseerde reaksie-eenhede – oftewel protospanne – het na afloop van die suksesvolle voltooiing van die tiende protospanopleidingskurus vandeesweek met 18 lede gegroei. Dit bring hierdie eenhede, wat die voorste linie van AfriForum-buurtwagte se reaksiespanne vorm, op 180 lede te staan.
• Rassie Erasmus gaan ’n eredoktorsgraad van die Noordwes-Universiteit ontvang Die Noordwes-Universiteit (NWU) gaan ’n eredoktorsgraad toeken aan die afrigter en Suid-Afrikaanse direkteur van rugby, Johan “Rassie” Erasmus, wat Suid-Afrika gehelp het om die Rugby Wêreldbeker te wen.
• Vox Weather @VoxWeatherZa🥵MAKSIMUM TEMPERATUUR REKORDS 🌡️Rekordbrekende hitte in noord-oostelike SA op 6 Maart! Maak julle gereed vir nog versengende toestande! Hittegolf sal voortduur tot Saterdag in dele van Limpopo, & tot Dinsdag in dele van Noordwes, Vrystaat & Noord-Kaap#VoxWeather