Episode 253 - BHP aanbod vir Anglo American minus Anglo se SA bates.

• Bloomberg berig: Die wêreld se grootste mynmaatskappy, BHP Group, het 'n oorname aanbod vir mededinger Anglo American gemaak, 'n stap wat die grootste skommeling in die bedryf in meer as 'n dekade kan veroorsaak.
• Anglo American het gesê hy het 'n ongevraagde samesmeltingsvoorstel van alle aandele ontvang, nadat Bloomberg berig het dat BHP 'n potensiële aanbod oorweeg. Anglo het bygevoeg BHP se voorstel is op voorwaarde dat die maatskappy eers sy Suid-Afrikaanse platinum- en ysterertseenhede afsplit.
• Netwerk24 berig: Anglo American kry voorstel van BHP oor oorname
• Die grootste mynboutransaksie in meer as ’n dekade kan beklink word as die mynreus BHP dit wel regkry om Anglo American oor te neem.
• Anglo het Donderdagoggend erken hy het ’n ongevraagde niebindende voorstel van sy mededinger BHP gekry om saam te smelt.
• Volgens Anglo behels die voorstel dat BHP al die aandele van Anglo uitkoop, maar eers nadat Anglo se volle belang in Anglo American Platinum (Amplats) en Kumba Iron Ore aan sy aandeelhouers ontbondel word. Die twee dele van die voorstel is onderhewig aan mekaar, volgens Anglo se verklaring op die JSE se Sens-nuusdiens.
• BHP erken die beoogde oorname is gemik om sy blootstelling te kry aan strategiese kommoditeite deur Anglo se wêreldklas koperbates te bekom. Volgens BHP sal hy ná die oorname ’n strategiese hersiening doen van Ango se ander bedrywighede soos De Beers se diamantbedrywighede.
• Business Live berig: Aandele in Anglo American het met byna 16,5% gestyg nadat BHP Group Donderdag bevestig het dat hy 'n voorstel aan sy Londen-genoteerde mededinger gemaak het oor 'n moontlike kombinasie wat deur middel van 'n reëlingskema bewerkstellig moet word, wat sy mededinger mynwerker op £31,1 miljard waardeer.
• Die veteraan-batebestuurder Piet Viljoen verduidelik dit is 'n openingsalvo in wat 'n lang proses kan wees. Hy sê die bod illustreer SA se rykdomvernietigende politieke bestuur, wat prakties die impak van verswakkende nasionale infrastruktuur en onvriendelike sakewetgewing weerspieël. Hy het met Alec Hogg van BizNews
• Die Patriotic Alliance (PA) het 'n groot verrassing gebring deur twee van drie tussenverkiesings wat gister in die Wes-Kaap gehou is, te wen.
• Joost Strydom @StrydomJoost skryf: Orania se battery is hier!Twee maande se koppelingswerk, waarna die dorp 06:00-22:00 beurtkragvry sal wees (DV).Een dag nader aan energievryheid!
• Cele moet waai, sê AfriForum AfriForum het ’n brief aan president Cyril Ramaphosa gerig waarin hy gedetailleerde terugvoer versoek oor Bheki Cele, die minister van Polisie, se professionele prestasie, soos ingevolge sy presidensiële prestasie-ooreenkoms van hom verwag word.
• AfriForum vind geen gerusstelling in die gewysigde weergawes van die Wysigingswetsontwerp op Basiese Onderwyswette (beter bekend as die BELA-wetsontwerp) wat gister deur die Gekose Komitee oor Onderwys, Tegnologie, Sport, Kuns en Kultuur van die Nasionale Raad van Provinsies (NRP) aanvaar is nie. Dié burgerregte waghond gaan dus voort om vir regsaksie voor te berei indien die wetsontwerp aanvaar sou word.