Episode 342 - Lie-sufi moet gaan: Tyd vir aanspreeklikheid breek aan!

Sedert Panyaza Lesufi in Oktober 2022 sy amp as Premier van Gauteng aanvaar het is baie politieke beloftes gemaak maar min tasbare suksesse vir die provinsie se inwoners.

Die ANC het 'n aansienlike afname in kiesersteun in Gauteng ervaar. In die vanjaar se  verkiesing het die ANC net 34% van die stemme behaal van 50.19% wat in 2019 behaal is.

Na die baie swak verkiesings uitslag het Lesufi verkies om eerder ‘n minderheidsregering in Gauteng te vorm teenoor die nasionale voorbeeld waar ‘n Regering van Nasionale Eenheid geskep is deur die ANC saam met ander politieke partye.  Lesufi wou geen mag aan die DA gee al is dit tot nadeel van Gauteng.

Die Social Research Foundation meningsopname het vandag bekend gemaak dat 60% van kiesers hou van die RNE.  Kieser sentiment bots met Lesufi se planne om die RNE tot niet te maak.

Geen ANC president het vir twee termyne gedien nie.  Lesufi wil nie net die RNE vernietig nie maar hy het ook die ambisie om vir Cyril Ramaphosa op te volg.

Op die oomblik probeer Lesufi die indruk skep dat hy en Helen Zille koppe stamp en dat hy die ondersteuning van die ANC geniet.  Die uitval tussen Lesufi en Zille kan die tafel dek vir die ontbinding van die RNE wat een van Lesufi se doelwitte is.

Lesufi het sedert die verkiesing twee kwessie gedryf naamlik die ondertekening van Bela en die verwydering van die burgermeester van Tshwane. Rondom Tshwane stuur die ANC onder Lesufi hom nie veel aan dreigemente of ultimatums nie.

Via ‘n video vra Kallie Kriel: AfriForum vra DA en VF+ om RNE te heroorweeg sou Bela-wet bly Die burgerregteorganisasie AfriForum se direksie het eenparig besluit om die DA en VF+ amptelik te versoek om hulle deelname aan die regering van nasionale eenheid (RNE) in heroorweging te neem sou die klousule in die Bela-wysigingswet wat die voortbestaan van Afrikaanse skole bedreig, onveranderd geïmplementeer word.

Kallie Kriel  wys uit: (Grafika op skakel)  Hier is die bewys dat Panyaza Lesufi die grootste hindernis is tot toegang tot kwaliteit onderwys, nie die Afrikaanse taal wat hy so verafsku nie. Onder Lesufi se termyn as LUR vir Onderwys in Gauteng het die aantal skole afgeneem, terwyl die aantal leerders met byna 340,000 gegroei het.

Op sy beurt weer het Solidariteit Nedlac genader vir ‘n seksie 77 sertifikaat vir ‘n dag van protes rondom Bela.

“Gauteng is ’n gemors, met onvoltooide bouprojekte rondom Suid-Afrika se ekonomiese spilpunt. Tog beweer amptenare teen al die bewyse dat geen geld gemors is nie, terwyl die premier se gloeilamp-oomblik die behoefte is aan "verbeterde projekbestuur" wys Currencynews uit.

Daar is olifante in die kamer soos motoriste wat R43 miljard betaal het aan e-tol en nadat dit geskrap is meegedeel is dat hul nie vergoed gaan word nie soos wat  Maroela Media bevestig:   E-tol | ‘Motoriste gaan nie geld terugkry’  

Op die oomblik word die Lesufi minderheidsregering in Gauteng nie tot verantwoording geroep nie met geen aanspreeklikheid. Lesufi verbloem sy politieke mislukking met retoriek. Dit is nie ‘n volhoubare model nie.