Episode 346 - Lesufi word betrek by nuwe korrupsie bewerings.

AfriForum het vandag bekend gemaak:  Die Gautengse Premier, Panyaza Lesufi, is na bewering ’n kernfiguur in ’n grootskaalse toesmeerveldtog van ongebreidelde korrupsie, geldwassery en bedrog wat die provinsiale regering nou al reeds honderde miljoene rande beloop en aan die Departement van Maatskaplike Ontwikkeling toegeken is om maatskappye sonder winsoogmerk (MSW) te ondersteun. AfriForum se privaatvervolgingseenheid verteenwoordig nou ’n fluitjieblaser in hierdie saak en is die opdrag opgelê om die geïmpliseerde amptenare en hulle instaatstellers, insluitend politici, strafregtelik aanspreeklik te hou vir hierdie diefstal wat nou al vir byna ’n dekade aan die gang is.

AfriForum @afriforum video: Panyaza Lesufi geïmpliseer in beweerde toesmeer van korrupsie en dwarsboming van strafregtelike ondersoek.  Dis duidelik dat hy onbevoeg is en nie sy pos as premier van Gauteng waardig is nie. Lesufi moet waai.

Die profiel van hom wat styg en sy planne om die RNE te sink het veroorsaak dat Lesufi gister ontbied is na Luthuli-huis berig soos wat The Times berig: EXCLUSIVE | Mbalula summons Lesufi to Luthuli House over public anti-GNU remarks

Met die laaste verkiesing het die ANC nasionaal 40.18% van die stem gekry en in Gauteng waar hy die premier is van ‘n minderheidsregering het die ANC 34.76% gekry.

In ‘n opvolg berig deur The Times lyk dit of Lesufi die rondte gewen het: 2-0: Mbalula’s attempt to discipline Mtolo, Duma and Lesufi falls flat during officials meeting

Ferial Haffajee skryf in Dailymaverick na die verkiesing oor die ANC se steun wat gedaal het in Gauteng: “Lesufi het meer soos die emir van 'n ryk emiraat gedra, sy eie polisiemag gebou, slim stede beplan en lugkastele gebou. Op die ou end het Gauteng se kiesers teen sy merk van populisme gestem.”

Op die oomblik is daar nie sterk ander leiers in die ANC wat president Cyril Ramaphosa kan opvolg nie en Lesufi tree na vore as een van die logiese kandidate.  Vir Lesufi om president te word sal hy ‘n paar stappe moet doen:

• Vernietig die RNE waar die DA ‘n sentrale vennoot is.
• Konsolideer die sogenaamde RET faksie en verkry samewerking van veral die EFF en die MK.

Polities het Lesufi na die verkiesing strategiese suksesse behaal wat insluit:

• Die ondertekening van Bela
• Die verwydering van die burgermeester van Tshwane.

Die suksesse was egter tot Lesufi voordeel en nie noodwendig tot die voordeel van die ANC nie.  Indien Lesufi president word beteken dit dat Suid-Afrika meer van die slegte ANC beleid en ideologie kry wat op die oomblik nie werk nie.

Lesufi se ampstermyn as Gautengse Premier word gekenmerk deur wye kritiek en korrupsie. AfriForum het verlede week ‘n “Lesufi moet waai” veldtog geloods.