Episode 353 - Riool is besig om Suid-Afrika se Wieg van die Mensdom te verwoes, sê Ramaphosa

Die regering het ‘n mediaverklaring uitgereik: President Ramaphosa vra vir dringende optrede teen Mogale City se rioolkrisis .  President Cyril Ramaphosa het 'n beroep gedoen op onmiddellike optrede om die toenemende water- en sanitasiekrisis in die Mogale City Plaaslike Munisipaliteit aan te spreek.

Bloomberg het dit opgevolg met ‘n artikel: Riool is besig om Suid-Afrika se Wieg van die Mensdom te verwoes, sê Ramaphosa

Suid-Afrikaanse president Cyril Ramaphosa het amptenare versoek om die vloei van riool te stop wat 'n toeristeterrein beskadig wat die grootste konsentrasie antieke menslike fossiele het.

Die ineenstorting van infrastruktuur in Mogale City wes van Johannesburg het meegebring dat die munisipaliteit rou riool in die Vaalrivierstelsel vrylaat, waaruit Johannesburg en ander groot stede die grootste deel van hul voorrade onttrek, volgens News24. Die uitvloeisel vloei ook in woongebiede en die Hartbeespoortdam in. Ramaphosa se kantoor het bevestig dat die verslae akkuraat is.

Op sy beurt het News 24 ‘n artikel gepubliseer:  R300 miljoen in die drein af namate Mogale City se riool probleme  vererger

Ten spyte daarvan dat die Departement van Water en Sanitasie die afgelope vyf jaar meer as R300 miljoen betaal het om die Mogale City Plaaslike Munisipaliteit te help met herstelwerk en instandhouding van sy rioolinfrastruktuur, het die situasie vererger, met meer as die helfte van die rioolpompstasies en twee derdes van die watersuiweringsaanlegte gebreek.

Op die oomblik sit Mogale City ook sonder ‘n burgermeester berig Maroela Media: Mogale City-burgemeester bedank voor mosie van wantroue  “Duidelik het sy danspassies nie meer sy meesters beïndruk nie en het hy handdoek ingegooi voordat hy uitgeslaan is.”

Probleme met watervoorsiening en riool hantering loop hand aan hand met AfriForum wat die volgende waarskuwing gemaak het: ‘Munisipaliteite moet optree voor totale ineenstorting van waterstelsel’  “Pretoria, Johannesburg en Durban gaan reeds gebuk onder vlak 1-waterbeperkings, maar indien inwoners nie daaraan gehoor gee nie, kan hul krane nóg stywer toegedraai word,” sê Tarien Cooks, rampbestuurspesialis by AfriForum.

Dieselfde waarskuwing gaan binnekort geld vir Mogale City. 

AfriForum het ook ‘n dokument beskikbaar gestel in Afrikaans met wenke om water te bespaar:  Dié stede se krane moontlik stywer toegedraai; AfriForum deel wenke om water te bespaar AfriForum doen ’n beroep op veral inwoners van Pretoria, Johannesburg en Durban om nie die krane onnodig oop te draai nie.

Daar is ook ‘n politieke aspek wat na vore tree wat die Financial Mail uitwys in die artikel: Die ANC se magspel in Gauteng se groot stede

Waarom die ANC beweeg het om beheer te neem van groot-begroting en sleuteldiensteportefeuljes voor die plaaslike regeringsverkiesing van 2026