Episode 385 - Afrikaner besig om selfvertroue te herwin in die nuwe Suid-Afrika

• Geloftefees 2024

Ernst Roets  skryf: Daar was vandag 223 Gelofte feeste. By die Voortrekkermonument was daar 35 000 mense. By Bloedrivier was daar 2 000. In die 1990's het mense verklaar dit verby is met die Afrikaners en dat Geloftedag ook iets van die verlede is. Toe nie!

• Omvang

Maroela Media berig: Foto’s | Duisende ruk op vir Geloftedag: ‘Herlewing onder Afrikaners’  Nagenoeg 35 000 mense het Maandag met die jaarlikse Geloftedag-herdenking by die Voortrekkermonument (VTM) soos een man verklaar “Hier staan ons”.

Beeld berig op sy voorblad FOTO'S | Geloftedag: ‘Tyd vir jeug om terug te keer na hul wortels’ Geloftedag is Maandag op talle plekke in Suid-Afrika en op ses vastelande gevier, en daar blyk ’n oplewing in bywoning onder die jeug te wees. Talle mense voel dit is ook hoogtyd.

Ongeveer 35 000 mense het die Geloftediens by die Voortrekkermonument se amfiteater in Pretoria bygewoon voordat hulle na die monument beweeg het om te sien hoe die sonlig om 12:00 op die senotaaf val. Dit was vanjaar opmerklik dat daar heelwat jong mense op die Voortrekkermonument se terrein was om die dag te herdenk.

• Nasionale dialoog

Polities gaan een van die belangrikste gebeurtenisse wees in 2025 die nasionale dialoog wees. Daar is reeds groot voorbrand in 2024 gemaak hiervoor maar die verkiesingsuitslag asook die konflik en protes rondom die Bela-wetgewing het die organisering hiervan vertraag.

Netwerk 24 berig: Wiele aan die rol vir nasionale dialoog in 2025 . Die wiele is aan die rol vir die langverwagte nasionale dialoog, met ’n adviespaneel en bestuurskomitee wat binnekort aangewys gaan word om te verseker dat dit aanstaande jaar al sal plaasvind. Pres. Cyril Ramaphosa het dié aankondiging Maandag in Vredendal aan die Weskus in sy Versoeningsdagboodskap gemaak.

• Ons sal self resep begin homself bewys.

Ernst Roets wys die volgende uit in sy Geloftefees toespraak: Net soos na die Tweede Vryheidsoorlog, het dit ons so twee dekades geneem om weer ons voete te vind en te organiseer, maar ons is nou daar. Daarom konsolideer ons vandag onder die slagspreuk, Ons sal self, omdat ons daardie ou wysheid herontdek het – dat die enigste weg na welvaart en sukses deur selfdoen lê.

In die proses het ons ondenkbare prestasies behaal. Waar die Afrikaners slegs drie dekades gelede platgeslaan was, en waar byna geen van ons organisasies die politieke oorgang van die 1990’s oorleef het nie, spog ons vandag met ’n netwerk van meer as vyftig instellings en meer as 700 000 lede wat maandeliks bydra tot die werk van die onderskeie instellings van die Solidariteit Beweging. Dan praat ons nog nie van ons vrywilligers nie.