Nuusagenda

Episode 452 - Ramaphosa en Trump ontmoeting oorheers die media.

Ramaphosa ontmoet Trump op Woensdag
Spanning in die media bou op oor die verhoogde aandag rondom die Suid-Afrikaanse president Cyril Ramaphosa se komende ontmoeting met die Amerikaanse president Donald Trump. Beide Sunday Times en Die Burger het voorblad artikels oor die ontmoeting. Tans is daar baie onsekerheid aan SA kant. Hierdie ontmoeting volg maande van kritiek van Trump teenoor Ramaphosa, wat dit 'n belangrike diplomatieke gebeurtenis maak wat besprekings en ontledings in verskeie media-afsetpunte ontketen het. Die herhaalde dekking beklemtoon die kompleksiteite en potensiële implikasies van hierdie diplomatieke betrokkenheid.
Wat soek die VSA van Suid-Afrika?
Die joernalis Joel Pollak gee die volgende advies vir die SA regering: In plaas daarvan om voor te berei om Trump te preek oor hoekom hy “misinlig” is oor Suid-Afrika, moet Suid-Afrika voorbereid wees met kompromieë oor al die bogenoemde kwessies, soos die volgende:
Wysig die Onteieningswet om private eiendom te beskerm en die moontlikheid van “nul vergoeding” uit te skakel;
Laat vaar die gebruik van rassekwotas of -teikens in indiensneming, en vrystel buitelandse maatskappye van lastige rasseregulasies, soos Swart Ekonomiese Bemagtiging;
Handhaaf Suid-Afrika se bestaande wette oor haatspraak teen Julius Malema, en spreek hom kragtiger uit;
Onttrek aan die mislukte en immorele Internasionale strafhof-saak teen Israel;
Hou op om Iran te ondersteun, en kom eerlik oor samewerking met die regime, insluitend kommersiële bande en kerntegnologie.
-            Wat soek SA?
Die African Growth and Opportunity Act (AGOA) is 'n Amerikaanse handelswetgewing wat in Mei 2000 uitgevaardig is. Suid-Afrika sal Agoa wil behou en kyk of die terme uitgebou kan word. Die primêre doel daarvan is om ekonomiese betrekkinge tussen die VSA en Afrika-lande suid van die Sahara te verbeter deur in aanmerking komende Afrika-lande voorkeur toegang tot die Amerikaanse mark te bied. Spesifiek laat AGOA kwalifiserende lande toe om meer as 6 000 produkte belastingvry na die Verenigde State uit te voer, wat 'n wye reeks sektore dek, insluitend landbou, tekstiele en vervaardiging.
Dokkie het 42m kyke
Raswette: Musk-plasing plaas kollig op AfriForum-dokumentêr
AfriForum se jongste dokumentêr is reeds meer as 30 miljoen keer gekyk ná Elon Musk in ʼn X-plasing na Suid-Afrika se wette oor ras en onteiening verwys het.

Episode 451 - Ramaphosa en Trump ontmoet volgende week. Gaan die vonke spat?

Ramaphosa gewaarsku
Maroela Media ‘Ernstige konfrontasie’ verwag wanneer Ramaphosa, Trump byeenkom  “Sy samekoms met Ramaphosa is nie omdat hy hom graag wil ontmoet nie, maar juis omdat hy hom wil aanvat.”
Onderhandelings
Beide presidente is gesoute onderhandelaars. Trump en sy boek “The art of the deal” is welbekend en in Kodesa het Ramaphosa vernuftig die NP ore aangesit namens die ANC.
Druk op die proses.
Die week is druk op die proses geplaas met die Trump-regering wat 49 Afrikaners laat oorvlieg het na die VSA om hul daar te laat hervestig.
Scenario’s wat kan uitspeel. Die volgende kan gebeur:
Zelenskyy oomblik waar Ramaphosa met Trump praat voor die wêreld media en die pap op die grond laat val met ‘n dom opmerking of voorstel. Daar is ernstige konfrontasie tussen beide partye. Na die ontmoeting is daar ‘n TWAR op X tussen die belangegroepe.
Ramaphoria oomblik. Die gesprekke is vriendelik. Ramaphosa stel die regering se kant van die saak en Trump kom tot nuwe insigte en dink Ramaphosa is die oorspronklike “buffel” uit Afrika en weet wat hy doen.
Bank vol $ en ander vriende strategie. Ramaphosa stel dit aan Trump dat Suid-Afrika en China en Rusland via Brics goed oor die weg kom en dat die hernuwing van Agoa nie so groot kwessie is nie. Die tema van die strafhof saak met Israel word vermy.
Kom ons speel golf en hou G20 in November. Op die oomblik het Trump nie ‘n groot aptyt om die G20 in November in Suid-Afrika te besoek nie. Ramaphosa noem dat alles uitgestryk kan word met ‘n potjie golf. Daar word dan bespiegel oor watter gholfbaan sal werk.
Soos gesien is bogenoemde net scenario’s en dat daar klomp onsekerhede en veranderlikes ingebou is. Suid-Afrika se grootste fout sal wees om met te  min substansie en voordele op te daag terwyl Trump ‘n noemenswaardige ekonomiese voordeel vir die VSA sal wil beding.
Nie baie boere stel belang in vestiging in die VSA nie.
Die Burger berig op sy voorblad: Min boere stel belang om na VSA te vlug, meen landbou-organisasies
Pres. Donald Trump van Amerika wag met ope arms om “Afrikaner-vlugtelinge” in sy land te verwelkom, maar plaaslike landbou-organisasies meen bitter min boere stel in sy aanbod belang.
Suid-Afrikaanse boere op die Nampo-oesdag in Bothaville het Woensdag ook aan Liza-May Pieters gesê hulle is nie van plan om Suid-Afrika vir Amerika te verruil nie.
Dr. Theo de Jager, uitvoerende hoof van die landbou-organisasie Saai, sê hulle het ’n lys van 1 000 mense wat belangstelling toon, hoewel slegs twee van dié mense “regte boere” is. Johann Kotzé, uitvoerende hoof van AgriSA, en Bennie van Zyl, bestuurshoof van TLU SA, sê hulle weet van geen boere wat na Amerika wil vlug nie.

Episode 450 - Ramaphosa verantwoordelik vir Afrikaner-uittog – AfriForum

Steeds onduidelikheid hoe het die 49 Afrikaners uit SA toe 59 geword met landing in die VSA
Nampo opmerking van Ramaphosa
Maroela Media berig: Video | Ramaphosa noem ‘vlugtelinge’ lafaards
Kallie Kriel, uitvoerende hoof van AfriForum, sê nou die president behoort aandadigheid te aanvaar dat daar Afrikaners is wat die land wil verlaat, eerder as om dié mense te beledig.
Die Burger berig op sy voorblad: Afrikaner-vlugtelinge ‘is lafhartig’ – Ramaphosa
Die Afrikaners wat vlugtelingstatus in Amerika opneem, is almal lafhartig, het pres. Cyril Ramaphosa gesê op sy besoek aan vanjaar se Nampo-oesdag in Bothaville.
Hy sê ook hy verwag dié Suid-Afrikaners gaan vinnig na Suid-Afrika terugkeer omdat daar geen land soos Suid-Afrika is nie.
“Gister (Maandag) was ’n hartseeroomblik vir die Afrikaners wat vlugtelingstatus in Amerika opgeneem het. Hulle is dalk opgewonde omdat hulle die land verlaat het en nou iemand soos pres. Donald Trump het, maar uiteindelik wys hulle dat hulle nie ten gunste is van die veranderinge in die land nie en daarom hardloop hulle weg,” sê Ramaphosa.
Vinger wys na Ramaphosa
Ramaphosa verantwoordelik vir Afrikaner-uittog – AfriForum
 AfriForum het vandag president Cyril Ramaphosa gekritiseer vir sy belediging van Afrikaner-vlugtelinge as “lafaards” en benadruk dat die president veel eerder verantwoordelikheid moet neem vir sy eie aandadigheid aan Afrikaners se uittog en beplande emigrasie na die VSA en die res van die wêreld.  
 Ramaphosa se besluite en optrede veroorsaak, volgens Kallie Kriel, uitvoerende hoof van AfriForum, ernstige vervreemding onder baie Afrikaners. Kriel wys daarop dat kwessies soos Ramaphosa se volgehoue weiering om oproepe tot geweld teen Afrikaners, soos wat deur die “Kill the Boer”-dreunsang aangemoedig word, te veroordeel, tot dié vervreemding bydra. Voorts dra die president se ondertekening van die Wysigingswet op Wette op Basiese Onderwys (Bela), ’n anti-Afrikaanse stuk wetgewing, en die Onteieningswet, sowel as die Ramaphosa-regering se toepassing van diskriminerende rassewetgewing en drakoniese rasseregulasies direk by tot die vervreemding van Afrikaners en ander minderheidsgemeenskappe in die land.
 “Vlugtelinge hardloop nie weg nie; hulle word verjaag – en dit is presies wat Ramaphosa en sy regering doen. Deur Afrikaners verder te beledig en die volgehoue miskenning van kwessies wat Afrikaners raak, grawe Ramaphosa net die kloof van vervreemding selfs dieper,” sê Kriel.
Nampo monument en hulde aan plaasmoordslagoffers
Maroela Media berig: Video | Nampo bring hulde aan plaasmoordslagoffers: ‘Ons vergeet nie’
Daar is Dinsdagoggend by die Nampo Oesdag oudergewoonte op somber wyse hulde gebring aan die slagoffers van plaasmoorde – en die lys word al hoe langer.

Episode 449 - Afrikaners land in die VSA. Het daar 49 of 59 persone vertrek?

Het daar 49 of 59 persone vertrek?
Media in Suid-Afrika soos eNCA, BBC,  News24, Maroela Media en Netwerk 24  verwys na 49 persone wat vertrek het terwyl media in die VSA soos NPR en Al Jazeera die syfer van 59 gee.
Daar is onduidelikheid hoekom daar verskillende getalle gegee word.
Aankoms
Maroela Media berig: Groep Afrikaners hartlik in VSA verwelkom  “Met hierdie hervestigingsprogram stuur ons ’n duidelike boodskap dat die VSA die gruwelike vervolging van mense op grond van ras in Suid-Afrika verwerp en ons verwelkom hierdie mense in die VSA en ’n nuwe toekoms.”
Kritiek oor proses
Netwerk 24 berig: Afrikaners se ‘voorkeurbehandeling’ maak opslae in die buiteland
Die voorkeurbehandeling van Afrikaners bo ander vlugtelinge na Amerika is die fokus van talle berigte oor die 49 Suid-Afrikaners wat Maandag in die VSA aangekom het.
Kritiek teen die regering van pres. Donald Trump, sy kommentaar oor die kwessie sowel as pres. Cyril Ramaphosa se kommentaar word in die media aangehaal.
CNN berig die Trump-administrasie het nie net stappe gedoen om Afrikaners te erken as vlugtelinge wat beweerde diskriminasie probeer ontvlug nie, maar ook die verwerking van hul aansoeke bespoedig. 
Status van groep
Maroela Media berig: Ramaphosa: ‘Dié mense is nie vlugtelinge nie’ “Ons glo die Amerikaanse regering het die kat aan die stert beet.”
Ramaphosa en Trump ontmoet in Mei
Business Live berig: President Cyril Ramaphosa en sy Amerikaanse eweknie, Donald Trump, sal later in Mei 'n hoëvlak-persoonlike vergadering in Washington hou met die doel om diplomatieke en handelsbetrekkinge tussen die twee lande te herstel.
Volgens hooggeplaaste bronne in die departement van internasionale betrekkinge en samewerking word verwag dat die twee 'n wye reeks diplomatieke en handelsbetrekkinge sal bespreek, insluitend die onlangse aankoms van 49 wit Afrikaners wat beweer dat hulle van rassevervolging vlug.
Die gesprekke vind plaas te midde van aanhoudende wrywing oor kwessies soos grondhervorming, geopolitieke belyning en handel, en dui op 'n hernieude poging om diplomatieke en ekonomiese bande tussen die twee nasies te versterk.
Met die VSA wat een van SA se grootste handelsvennote en 'n sleutelspeler in globale finansies bly, dra Ramaphosa se besoek beide simboliese gewig en potensiële beleid implikasies.

Episode 448 - Die 1ste groep Afrikaners vertrek na die VSA

1ste groep vertrek
Maroela Media berig: 49 Afrikaner-vlugtelinge haal vlug na VSA  Die 49 Afrikaners, onder wie verskeie gesinne met kinders, sou eers na Washington en dan na Texas vlieg.
Vlug vertrek laat
Netwerk 24 berig: Afrikaner-vlugtelinge vertrek toe eers later
Die Amerikaanse huurvlug met 49 Afrikaner-vlugtelinge aan boord, is met sowat twee en ’n half uur vertraag.
Collen Msibi, woordvoerder van die departement van vervoer, het Maandagoggend bevestig die vlug moes Sondag om 20:00 Suid-Afrikaanse tyd vertrek het, maar dit het eers omstreeks 22:30 vertrek. “Geen redes vir die vertraging is aan ons verskaf nie.”
Die vlug sou na verwagting 04:30 Suid-Afrikaanse tyd in Dakar land (die aanvanklike landingstyd was 02:00). Indien daar geen verdere vertragings is nie, is die geskeduleerde nuwe aankomstyd by die Washington Dulles-lughawe in Virginië Maandag om 14:30 Suid-Afrikaanse tyd.
Afriforum reaksie
Eerste Afrikaner-vlugtelinge landuit – dít is ’n ernstige aanklag téén ANC-geleide regering
 Die burgerregteorganisasie AfriForum bestempel gisteraand se vertrek van die eerste groep Afrikaner-vlugtelinge na die VSA as ’n ernstige aanklag teen die ANC-geleide regering wat steeds weier om oproepe tot geweld teen Afrikaners, soos wat deur die “Kill the Boer”-dreunsang gedoen word, te veroordeel.
 “Hierdie Afrikaners se vlugtelingskap is die direkte gevolg van die ANC-geleide regering se teikening van Afrikaners en ander minderheidsgemeenskappe deur middel van diskriminerende rassewetgewing en drakoniese rasseregulasies. Die nuwe Onteieningswet, wat onteiening sonder vergoeding moontlik maak, plaas Afrikaners en ander grondeienaars ook in die regering se spervuur,” beklemtoon Kallie Kriel, uitvoerende hoof van AfriForum.
Status van Afrikaner-vlugtelinge volgens regering
Netwerk 24 berig: Regering moet nog besluit oor burgerskap van Afrikaner-vlugtelinge
“Vanuit die perspektief van die Suid-Afrikaanse regering, ingevolge die uitvoerende bevele wat Suid-Afrikaners as vlugtelinge definieer, het ons verklaar dat hulle, ingevolge die internasionale definisie, volgens ons nie vir daardie status in aanmerking kom nie,” sê Lamola.
Hy sê dit is omdat daar geen vervolging van Afrikaners in Suid-Afrika is nie. “Dit is bewys deur ’n paar statistieke in Suid-Afrika, waaronder polisieverslae wat toon dat daar geen vervolging van wit mense op grond van hul ras is nie. Die misdaad wat ons in Suid-Afrika het, raak almal, ongeag hul ras en ongeag hul geslag. Wit boere word wel deur misdaad geraak, ja, maar net soos enige ander Suid-Afrikaner. Dit is dus nie feitelik nie en is ongegrond,” sê Lamola.

Robuuste gesprek tussen ANC en die Afrikanerleiersnetwerk

Gesprek
Netwerk 24 berig: Gesprek tussen ANC en Afrikaner-groepe ‘robuus en eerlik’
Robuus en eerlik. Dit is hoe die ANC en Afrikaner-groepe Dinsdagaand se vergadering beskryf.
Afgevaardigdes van die Afrikanerleiersnetwerk, insluitend Solidariteit en AfriForum, die Afrikanerbond en die landbou-organisasie Saai, het met die ANC vergader om oor verskeie kwessies van nasionale belang te praat.
Spanning heers tussen die ANC en AfriForum en Solidariteit nadat eersgenoemde onlangs vir Solidariteit en AfriForum daarvan beskuldig het dat hulle vals inligting oor Suid-Afrika in Amerika gaan versprei het.
Die partye wil nie die proses vooruitloop nie, maar sê die gesprek was openhartig.
Noodsaaklikheid van praat
Maroela Media berig: Onderhandeling tussen ANC, Afrikaner ‘moeilik maar belangrik’
Dr. Theuns Eloff van die Afrikaner-leierskapsnetwerk het Woensdag aan Maroela Media gesê nog geen samewerkingsooreenkomste is tussen die ANC en die Afrikaner-leierskapsnetwerk bereik nie, maar ʼn volgende vergadering sal binnekort volg.
Druk moet volhou
Solidariteit dien memorandum oor rassewette by Europese parlement in
Solidariteit se stryd teen rassewette in Suid-Afrika word nou ook volstoom in Europa voortgesit na ʼn opspraakwekkende besoek aan die VSA vroeër vanjaar om dié onreg in die kalklig te stel.
ʼn Afgevaardigde van Solidariteit het gister (7 Mei) in Straatsburg, Frankryk ʼn memorandum oor Suid-Afrika se rassebeleid by die Europese Parlement aan talle leiers en belanghebbendes oorhandig.
Jaco Kleynhans, hoof van internasionale skakeling by Solidariteit, het die kernprobleme wat in die memorandum uitgelig word ook tydens sy besoek breedvoerig met parlementslede van Nederland, België, Duitsland, Italië, Spanje en Oostenryk bespreek.
Geen visum vir Malema
Malema kry nie visum om na Brittanje te reis
Julius Malema het die Britse owerhede se besluit om hom ’n visum te weier om na Londen te gaan as “onaanvaarbaar en ruggraatloos” beskryf, terwyl AfriForum gesê het dit is “goeie nuus” en verder ’n beroep op die internasionale gemeenskap gedoen het vir strafmaatreëls teen die EFF-leier.
Netwerk 24 berig: Malema boos nadat Britte hom nie visum gee Volgens Thambo wou Malema ook die graf van koningin Elizabeth II gaan besoek om te bevestig “dat die vrou wat in die middelpunt van die pyn was wat Afrika en haar mense aangedoen is, inderdaad dood is” en “dat ons mense geregtigheid en vrede kan vind deur haar vertrek”.

Episode 446 - Partye in die RNE baklei soos kat en hond maar finansiële markte blom

Spanning in RNE
Die ANC en DA is gedurig in mekaar se hare in die RNE. Met ‘n hofsaak teen diens gelykheid, ‘n begroting wat nie goedgekeur word nie, beleidsverskille en kritiek oor en weer sit die partye nie langs dieselfde vuur nie. Die spanning spoel oor in die ANC waar ‘n gevoel is dat daar ontslae geraak moet word van die DA.
ANC vergeet hy het vennote in die regering
Die ANC bly optree asof hy die enigste party is wat regeer. Die party bly vasklou aan ‘n uitgediende ideologie en beleid. Dit noodsaak partye soos die DA om die hof roete te neem. Die Solidariteit Beweging moes ook leer dat die ANC se oggend en aand praatjies verskil en dat die ANC hom nie verbind aan ooreenkomste nie.
Ekonomie
Finansiële markte hou egter van die RNE ten spyte van die gedurige spanning berig BusinessLive.  Dit is veral aandele en effekte wat goed doen. Dieselfde kan nie gesê word van die ekonomie waar Moody’s groei afwaarts aangepas het na 1.5%
Ander gesprekke
Maroela Media berig: Afrikaner-leiers, ANC voer ‘robuuste’ vergadering Die partye het hulle daartoe verbind om “Suid-Afrikaanse oplossings” vir bepaalde kwessies te vind.
Dubbel burgerskap
Maroela Media berig: Hof sê oor dubbele burgerskap Duisende Suid-Afrikaners wat hul burgerskap verloor het omdat hulle nie vooraf toestemming gevra het om dit te behou voordat hulle ’n tweede nasionaliteit aanvaar het nie, mag nou hul burgerskap outomaties terugkry.
Individue met groot welvaart moet behou en nie belas word volgens minister
Business Live berig dat minister van finansies Enoch Godongwana sê ander maatreëls is meer effektief as welvaartbelasting, wat daartoe kan lei dat individue met 'n hoë netto waarde verhuis.
Aanvanklike data van die SA Inkomstediens (Sars) dui daarop dat daar 2 850 individue in SA is met netto bates van meer as R50 miljoen, wat 'n totaal van R245 miljard in plaaslike bates en R150 miljard in buitelandse bates het, het minister van finansies, Enoch Godongwana, onthul in 'n antwoord op 'n parlementêre vraag oor die moontlike instelling van 'n welvaartbelasting.
Hierdie groep het R7 miljard in persoonlike inkomstebelasting betaal (wat ook op opbrengste van buitelandse bates is) en Godongwana het gesê hierdie inkomste sal in gevaar gestel word as hierdie individue besluit om van belasting verblyfplek te verander as gevolg van die instelling van 'n welvaartbelasting.

Episode 445 - Die jaar van die slaggat.

Met bo normale reën wat die afgelope seisoen geval het en munisipaliteite wat minder spandeer aan die onderhoud en regmaak van paaie sit Suid-Afrika met ‘n reuse slaggat probleem.
Daar is 25 miljoen slaggate oor SA volgens die  Automobiel-Assosiasie (AA). Daar is egter geen noemenswaardige politieke wil om die probleem aan te spreek en met ‘n veldtog te begin om slaggate reg te maak nie.
AfriForum herstel weekliks honderde slaggate binne elke tak se vermoë in die gebied waar die tak aktief is.   
Motoriste wat Goudstraat in die Goedeburg woonbuurt in Benoni, gebruik, het nou 35 minder slaggate om oor bekommerd te wees danksy die span van die AfriForum Benoni-tak om op ‘n enkele voorbeeld te fokus.
Johannesburg die "kraterstad"
Johannesburg word wyd beskou as die Suid-Afrikaanse stad met die grootste slaggat probleem. Verskeie onlangse verslae beskryf Johannesburg se paaie as "kraterstad", met slaggate wat daaglikse pendelritte in hindernisbane verander en aansienlike skade aan voertuie veroorsaak en selfs tot noodlottige ongelukke bydra. Versekeringsdata toon dat Johannesburg, saam met Pretoria, verantwoordelik is vir meer as 'n derde van die land se slaggat verwante eise, wat die omvang van die probleem in hierdie stede beklemtoon.
Slaggat voor die VSA ambassadeur se huis in Tshwane reg gemaak deur AfriForum
AfriForum het 'n slaggat voor die Amerikaanse ambassadeur se woning, geleë op die hoek van Premier- en Victoriastraat in Waterkloof in Pretoria verlede week herstel.
Tshwane steur hom nie veel aan slaggate nie
The Citizen berig: Tshwane-burgemeester onder skoot en dink nie daar is ‘n slaggat probleem nie.
Plaaslike inwoners sê die burgemeester se slaggat syfers weerspieël nie die werklikheid van verkrummelde strate regoor die hoofstad nie.
Sommige Tshwane-inwoners glo dat burgemeester Nasiphi Moya in ‘n  fantasie leef nadat sy in haar stadsrede beweer het dat daar slegs vyf slaggate in die stad is wat nie herstel is nie.
Daar is 25 miljoen slaggate oor SA volgens die AA.
Slaggate bly 'n groot probleem vir die land, ten spyte van voortdurende pogings van die regering om die probleem aan te spreek deur middel van verskeie instandhoudings programme en geteikende herstel inisiatiewe.
Die Automobiel-Assosiasie (AA) glo dat die aantal slaggate op SA paaie meer as 25 miljoen kan wees. In die verlede het die toestand van paaie protes van gemeenskappe ontlok, veral waar beskadigde paaie toegang tot noodsaaklike dienste en openbare vervoer belemmer het berig IOL

Openbare Beleggingskorporasie se hoenders vrek sonder kos

In vandag se episode delf ons in die dringende ekonomiese en politieke uitdagings waarmee Suid-Afrika te kampe het. Die ANC se stryd met nasionale ekonomiese strategieë en die implikasies van regstellende aksiebeleid word ontleed, tesame met 'n kritiese ontleding van semi-staatlike finansiële bestuur.
Die episode bespreek ook die rol van BRICS in die vorming van globale ekonomiese dinamika en die potensiële gevolge vir Suid-Afrika se finansiële landskap. Ons ondersoek onlangse verklarings van politieke figure en die impak van tegnologiese vooruitgang op regeringsdienste, sowel as die voortdurende inhoudkrisis by die SABC.

Episode 443 - Rondte 3 om die begroting goedgekeur te kry

Regering verloor BTW rondte
Maroela Media berig: Hof bekragtig skikking: BTW-verhoging opgeskort
Die skikking bevestig dat enige toekomstige pogings om die BTW-koers te verhoog, aan wetlike prosedures en parlementêre goedkeuring onderhewig sal wees.
Geen ‘nasionale sluiting’
Netwerk 24 berig: Wees gerus, ‘geen nasionale sluiting’ oor gesloer met begroting
Suid-Afrikaners wat reeds juig oor die afskaffing van ’n verhoging in die BTW-koers, hoef ook nie naels te kou oor of die voorlegging van ’n derde begroting tot ’n staking in staatsdienste sal lei nie.
Sondag se uitspraak deur die hooggeregshof dat die tesourie sy plan laat vaar om BTW met ’n halwe persentasiepunt te verhoog, beteken Enoch Godongwana, minister van finansies, moet die fiskale raamwerk en die wetsontwerpe wat met vanjaar se begroting verband hou, onttrek en wysig sodat dit weer in die parlement ter tafel gelê kan word.
Met die parlement wat nog ’n sperdatum vir “Begroting 3.0” moet bevestig, word daar reeds gekriewel oor die staat wat steeds sonder ’n begroting sit terwyl reeds ’n maand in die nuwe boekjaar verloop het.
Dr. Roy Havemann, senior ekonoom aan die Universiteit Stellenbosch se Buro vir Ekonomiese Navorsing (BER), sê egter daar is geen risiko verbonde aan nóg ’n gewysigde begroting nie.
“Die enigste risiko is hoe die gesloer met ’n nuwe begroting die geloofwaardigheid van die tesourie en, in ’n mindere mate, die regering van nasionale eenheid (RNE), moontlik benadeel,” sê hy.
- Verlof van amptenaar
BusinessLive berig: Top Tesourie-amptenaar op sabbatsverlof voor moeilike derde begroting
Vrae geopper oor of die hoof van die begrotingskantoor, Edgar Sishi, verlof geneem  het omdat hy ongemaklik was oor die rigting van fiskale beleid van die minister.
Terwyl SA voorberei vir 'n moeilike derde begroting, het dit aan die lig gekom dat die hoof van die Tesourie se begrotingskantoor, Edgar Sishi, op 'n ses maande lange sabbatsverlof is, wat vrae laat ontstaan ​​oor wie die kompleksiteite sal bestuur om die syfers nog een keer te laat werk.
Vrae is ook gevra of Sishi, wat die stuur van die begrotingskantoor tydens die Covid-19-krisis oorgeneem het, bedank het omdat hy ongemaklik was oor die rigting van fiskale beleid.
Die beleid het in Februarie van koers verander toe die minister van finansies, Enoch Godongwana, 'n groot bestedingsverhoging – befonds deur hoër BTW – voorspel het na jare van regeringsafhanklikheid hoofsaaklik van bestedingsbesnoeiings om stygende openbare skuld te stabiliseer.