Nuusagenda

Episode 332 - ‘Bela-wet is daad van aggressie teen Afrikaans’

‘Bela-wet is daad van aggressie teen Afrikaans’ AfriForum, Solidariteit, Solidariteit Helpende Hand, die Skoleondersteuningsentrum, die FAK en die Afrikaanse Onderwysnetwerk het aangekondig dat hulle regstukke gereed is indien Ramaphosa die BELA-wet bekragtig.
Netwerk 24 berig: Herrie oor Bela en bedreiging van RNE ‘ontstel’ Ramaphosa Dit is “ontstellend” vir die president dat die stabiliteit van die regering van nasionale eenheid (RNE) bedreig word elke keer as die RNE-vennote ’n dispuut het, soos ook nou met die Wysigingswetsontwerp op Basiese Onderwyswette (Bela). “Dit is ontstellend omdat sulke dreigemente nie net teen die president gerig is nie, maar ook teen die stabiliteit van die land én teenoor Suid-Afrikaners,” het Vincent Magwenya, pres. Cyril Ramaphosa se woordvoerder, Woensdag namens hom by die parlement in Kaapstad gesê.
Dit het gevolg nadat ’n herrie Woensdag onder veral politieke partye en burgerlike organisasies losgebars toe die presidensie bekend gemaak het dat Ramaphosa beplan om dié hoogs omstrede wetsontwerp Vrydag in die openbaar by die Uniegebou te bekragtig.
Bela | Hof toe as Ramaphosa teken berig Maroela Media oor die Solidariteit Beweging wat die hof roete wil neem. “’n Poging tot kulturele etniese suiwering en ’n daad van aggressie, is pres. Cyril Ramaphosa se beoogde ondertekening van die Bela-konsepwet Woensdag genoem.”
News 24 berig: President Cyril Ramaphosa is nie geroer deur John Steenhuisen, DA-leier, se dreigement dat die ondertekening van die Wysigingswetsontwerp op Basiese Onderwyswette (BELA) die regering van nasionale eenheid (RNE) in duie kan laat stort nie.
Die Regering het gekommunikeer: President Cyril Ramaphosa onderteken BELA-wetsontwerp. Ondertekening seremonie sal soos volg plaasvind op Vrydag, 13 September 2024 om 10:30 by die Uniegebou, Pretoria.
BELA-ondertekening is “skole-kaping”, sê Kaapse Forum Kaapse Forum doen ’n beroep op bruin gemeenskappe om nie die dreigende ondertekening van die drakoniese Wysigingswetsontwerp op Basiese Onderwyswette (BELA) te beskou as ’n saak wat slegs voormalige model C-skole gaan raak nie. Dit is ’n geveg vir elke skool en elke huishouding in Suid-Afrika en spesifiek Afrikaanssprekende gemeenskappe.
Die DA woordvoerder noem dat die party nie die RNE sal verlaat oor die ondertekening van die omstrede BELA-wetsontwerp deur president Cyril Ramaphosa nie, al is dit daarteen. Willie Aucamp, DA-woordvoerder, sê hulle sal die saak egter hof toe neem. Hy voeg by dat Siviwe Gwarube, minister van onderwys, dit sal implementeer “al glo hulle nie daarin nie” berig Newzroom Afrika @Newzroom405 video:
Alida Kok: Afrikaanses is nou by kruispad skryf op Netwerk 24. “Die Afrikaanse gemeenskap se eerste reaksie op die nuus dat pres. Cyril Ramaphosa die Wysigingswetsontwerp op Basiese Onderwyswette (Bela) môre gaan onderteken, is om dit ’n “daad van aggressie” te noem.” “”Saam met die onlangse ondertekening van die Wet op Nasionale Gesondheidsversekering (NGV) en die koms van die tweepotstelsel is die moontlike ondertekening van Bela en die verwagte einde van die Cilliers Brink-administrasie in Tshwane van die tekens dat die Afrikaanse gemeenskap by ’n kruispad staan.
Tog kan ’n mens nie meer baie vertroue in die RNE hê nie. ’n Voorwaarde vir die totstandkoming daarvan was ’n nasionale dialoog wat deur ’n verteenwoordigende burgerlike samelewing gelei word.

Episode 331 - Swart dag vir Afrikaans in skole. Ramaphosa teken Bela die Vrydag

Die Wysigingswetsontwerp op Basiese Onderwyswette (BELA) is voor die verkiesing deur die Nasionale Vergadering aanvaar. President Cyril Ramaphosa moet dit teken sodat dit ‘n wet kan word. President Ramaphosa teken die wet Vrydag.
Flip Buys, Uitvoerende Hoof van Solidariteit, sê: "Suid-Afrika staan vandag voor 'n belangrike kruispad. Afrikaanse skole is 'n baken van uitnemendheid- ons ag die sukses daarvan baie hoog. Bela is 'n tree terug! "
AfriForum gaan voort met regstappe sodra president BELA onderteken AfriForum beskou die Wysigingswetsontwerp op Basiese Onderwyswette (BELA) as ’n poging tot kulturele etniese suiwering deur die ANC-regering, aangesien dit die vernietiging van ’n taal- en kultuurgemeenskap se skole sal moontlik maak om sodoende die groep se kulturele voorbestaan in gedrang te bring. Om dié rede is AfriForum se regspan gereed om stappe teen die implementering daarvan te doen sodra die wetsontwerp deur president Cyril Ramaphosa onderteken word. AfriForum het vandag dié aangekondig gemaak tydens ’n gesamentlike mediakonferensie deur AfriForum, Solidariteit, Solidariteit Helpende Hand, die Skoleondersteuningsentrum (SOS) en die Federasie van Afrikaanse Kultuurvereniginge (FAK).
Maroela Media berig: Bela | Hof toe as Ramaphosa teken ’n Poging tot kulturele etniese suiwering en ’n daad van aggressie, is pres. Cyril Ramaphosa se beoogde ondertekening van die Bela-konsepwet Woensdag genoem.
Netwerk 24 berig: 'As Bela Vrydag wet word, gaan ons hof toe' – Solidariteit Die Solidariteit-beweging sal hom tot die hof wend indien pres. Cyril Ramaphosa Vrydag voortgaan om die Bela-wysigingswetsontwerp te onderteken, het dr. Dirk Hermann, uitvoerende hoof van die Solidariteit-beweging, Woensdag op ’n nuuskonferensie gesê.
“Ons sien die ondertekening as ’n daad van aggressie en verbreking van die vertrouensverhouding met die Afrikaanse gemeenskap. Die ondertekening breek die gees van eenheid van die nasionale regering,” het Hermann gesê.
Netwerk 24 berig: Bela oor 48 uur landswet Die Wysigingswetsontwerp op Basiese Onderwyswette (Bela) word ondanks hewige teenstand oor 48 uur amptelik ’n landswet.
Cyril Ramaphosa se kantoor het Woensdagoggend in ’n verklaring aangekondig hy gaan Vrydag hierdie omstrede wetsontwerp bekragtig.
Netwerk 24 berig: As Cyril Bela wet maak, is RNE in gedrang – Steenhuisen As pres. Cyril Ramaphosa die omstrede Wysigingswetsontwerp op Basiese Onderwyswette (Bela) as landswet bekragtig, stel hy die toekoms van die regering van nasionale eenheid (RNE) in gevaar, waarsku John Steenhuisen, DA-leier.

Episode 330 - Die DA en ActionSA egskeiding in Tshwane raak morsig.

ActionSA beplan om die regerende koalisie in Tshwane, te verlaat.
Die mosie van wantroue in die DA koalisie is op 26 September maar tans is daar ‘n morsige heen en weer beskuldiging in die media en op die sosiale media tussen die partye.
Herman Mashaba die leier van ActionSA verklaar op X “ Die DA het slegter as die Nasionale Party geword om rasseharmonie in Suid-Afrika te bou. Waarom iemand wat nie saamstem met hul oneerlike rassepolarisasiebeleide as 'n verraaier noem nie?”
News 24 berig: Herman Mashaba sê die EFF is ’n baie beter koalisievennoot vir sy ActionSA-party as die DA en sy “arrogante” Tshwane-burgemeester, Cilliers Brink.
Daar is 'n paar belangrike redes waarom ActionSA dalk die DA-geleide koalisie wil ontspoor:
Onenigheid oor strategie en prioriteite: Herman Mashaba, leier van ActionSA, het die DA daarvan beskuldig dat hulle hulle “misbruik” en dit is tyd om hulle te “onttroon”. Dit dui op fundamentele verskille in hoe die koalisie bestuur moet word.
Begeerte vir meer mag en invloed: Deur die koalisie te verlaat, hoop ActionSA waarskynlik om meer beheer en besluitnemingsmag in Tshwane te verkry. Die huidige reëling sal hulle dalk nie soveel sê gee as wat hulle wil nie.
Potensiaal om ’n nuwe koalisie met die ANC te vorm: Daar is berigte dat ActionSA met die ANC saamspan om die DA van bewind in Tshwane te verwyder. Dit sou 'n groot verskuiwing in alliansies wees. Die strategie word gedryf deur Panyaza Lesufi die premier van Gauteng wat openlik die Regering van Nasionale Eenheid wat nasionaal is probeer ondermyn.
Posisionering vir toekomstige verkiesings: ActionSA se optrede kan gedryf word deur politieke berekeninge oor hoe om meer stemme en setels in toekomstige plaaslike en nasionale verkiesings te kry. Om die DA te stort kan deel van hierdie strategie wees.
Die DA voer egter aan dat die opbreek van die Tshwane-koalisie rampspoedig sal wees, wat die EFF in staat sal stel om invloed te kry en die stad in chaos te dompel soos in Johannesburg. Die DA glo die huidige koalisie lewer goeie resultate vir inwoners en moet in stand gehou word.
Uiteindelik behels ActionSA se motiverings waarskynlik 'n mengsel van beleidsverskille, magsdinamika en politieke skuiwe en ego’s van die leierskap.
Die gevolge van hul optrede kan baie betekenisvol wees vir die toekoms van regering in Tshwane. Die huidige koalisie moes vir jare spook om te herstel van die swak ANC regering wat eers in beheer was. Plaaslike inwoners kan te wagte wees dat dienste gaan verswak.
Die DA het ‘n petisie teen verbreking van die koalisie geloods 34 000 handtekeninge.
AfriForum het ook ‘n petisie geloods met 14 000 handtekeninge.
Netwerk 24 berig Tshwane weet teen dán oor ActionSA Inwoners van Tshwane sal teen die “middel van September” weet of ActionSA sal voortgaan om deel van die veelpartykoalisie in die metro deel te wees.
Herman Mashaba, leier van ActionSA, sê Sondag sy party se hersiening van sy verhouding met die DA in die metro sal afgehandel wees lank voordat die ANC se wantrouemosie teen Cilliers Brink, die burgemeester, op 26 September se sitting voor die raad dien.

Episdoe 328 - Kan die ANC in die spieël kyk en die party regruk ?

Die ANC staar 'n uitdagende pad vir suksesvolle hervorming in die gesig ná die 2024-verkiesing, waar dit sy parlementêre meerderheid verloor het.
Die ANC het deurlopend uitdagings met korrupsie en in die nuutste insident is dit al 10 dae dat die minister van Justisie  Thembi Simelane antwoorde moet verskaf oor ‘n VBS-lening.
News 24 berig: ’n ANC wat nie hernu word nie, is ’n ANC wat sal aanhou om korrupte mense te dra en daarom is ’n hernuwingsprojek van kardinale belang. Dit was die mening van oudpresident Thabo Mbeki, wat toe hy 'n lesing by Unisa se gelewer het, gesê het die ANC se hernuwing moet nog plaasvind.
Voormalige president Thabo Mbeki het sy gewig agter die RNE ingegooi en gesê dit is 'n noodsaaklike ingryping om te verseker dat die land werk berig Times Live. Hierdie koalisie, terwyl dit die regering stabiliseer, bestaan ​​uit partye met verskillende ideologieë, wat konsensus oor hervormings moet kan bereik om te funksioneer.
Politieke fragmentasie tree na vore. Die verkiesingsuitslae weerspieël 'n beduidende afname in die ANC se steun, wat van meer as 57% in vorige verkiesings tot ongeveer 40% gedaal het. Hierdie fragmentasie dui op 'n verskuiwing in kiesersentiment en 'n potensiële uitdaging vir die ANC om samehangende beleid te implementeer. Dit behels byvoorbeeld dat die ANC in KZN 40 staf lede moet afdank en kantore moet sluit berig News 24.
Die ANC se koalisie is opgestel as 'n RNE wat samewerking tussen partye beklemtoon om dringende kwessies soos werkloosheid, armoede en ongelykheid aan te pak. Die doeltreffendheid van hierdie benadering sal egter afhang van die ANC se vermoë om onenigheid tussen partye te navigeer.
Business Live berig: Die gebrek aan 'n maatskaplike ooreenkoms om SA se hoë werkloosheidsyfer en die ekonomie aan te spreek twee jaar nadat president Cyril Ramaphosa dit aangekondig het, sal groot opduik wanneer maatskaplike vennote Vrydag vir die Nasionale Ekonomiese Ontwikkeling en Arbeidsraad (Nedlac) se jaarlikse beraad in Johannesburg vergader.
As die ANC effektief met die DA en ander koalisievennote kan saamwerk, kan dit dalk beduidende hervormings deurdruk. ’n Suksesvolle koalisie kan bestuur stabiliseer en ’n meer sakevriendelike omgewing bevorder, wat noodsaaklik is vir ekonomiese herstel. In Gauteng gebeur egter die teenoorgestelde waar die ANC aktief die DA en ander partye probeer ondergrawe. In Tshwane is daar tans groot spanning met die ANC wat met behulp van ActionSA die DA en vennote wil uitwerk. Maroela Media berig: DA boos oor ActionSA se ‘smeerveldtog’  Die DA en ActionSA se twis oor wie die septer in die Tshwane-metro moet swaai, ontaard nou in ʼn moddergooiery.
Die jongste voorbeeld van ANC wanbestuur is die Poskantoor wat R4 miljard benodig om nie teen November te likwideer nie. Maroela Media berig: Poskantoor byna by Dag Zero, minister moet ingryp Die DA sê slegs die private sektor kan nou Sapo se voortbestaan verseker.

Episode 329 – Thembi Simelane het lening terug betaal. Nuwe VBS onthullings en die Valke slaan toe om dokumente te kry.

Thembi Simelane, minister van justisie, sê sy het die lening wat sy van Gundo Wealth Services ontvang het, terugbetaal. Simelane verskyn voor die Parlement om haar skakels met die VBS Banks-sage te verduidelik.
EWN berig: Simelane sê sy het nie 'n "onbehoorlike verhouding" met 'n VBS-middelman gehad nie. Simelane het Vrydag aan die parlement se justisiekomitee gesê dat haar R500 000-lening van Gundo Wealth Solutions, wat voordeel getrek het uit die nou ontbinde VBS-bank terwyl sy was nog Polokwane-burgemeester, is ten volle terugbetaal.
Sy kon nie dokumentasie verskaf om dit te bewys nie.
Die Valke het 'n ondersoek na korrupsie en geldwassery na Thembi Simelane, minister van justisie, geloods berig Daily Maverick
Die Valke het verlede week 'n deursoeking en beslagleggingslasbrief op Thembi Simelane se voormalige persoonlike assistent by Polokwane Munisipaliteit uitgevoer om moontlike bewyse van korrupsie te verseker wat verband hou met die munisipaliteit se R349 miljoen belegging by VBS Mutual Bank in 2016 en 2017.
Thembi Simelane, minister van justisie, die burgemeester van die munisipaliteit tussen 2014 en 2021, het ’n uiteindelike begunstigde van VBS-buit geword toe sy ’n twyfelagtige R575 600 “lening” van ’n VBS-hersteller ontvang het om ’n koffiewinkel in Sandton te koop.
News 24 berig dat Simelane, het die enigste "lening" wat die korrupsiebeskuldigde Ralliom Razwinane beweer het hy in 2016 uitgereik het uit sy finansiële adviesgewer Gundo Wealth Solutions se rekening by VBS Mutual Bank geneem.
Die enigste ander kontant wat tussen 2016 en 2018 as “lenings” in die Gundo-rekening gemerk is, beloop R23 000 en is aan drie verskillende mense betaal, het ’n gesamentlike Daily Maverick en News24-ondersoek bevind.
Simelane het beweer Gundo het haar in Oktober 2016 R575 600 “geleen” om ’n koffiewinkel in Sandton te koop.
Sy was destyds burgemeester van die Polokwane Munisipaliteit, en Razwinane was die “kommissie-agent” wat vyf onwettige beleggings van R349 miljoen in VBS gefasiliteer het, begin dae voordat hy die “lening” aan Simelane betaal het.
'n Nuwe mosie van wantroue teen Cilliers Brink, burgemeester van Tshwane, is op 26 September vir 'n stemming neergelê. Die mosie is deur die ANC ingedien. Die aanneming van die mosie berus grootliks daarop of ActionSA in die DA-geleide koalisieregering bly of by ANC aansluit berig EWN.
Red Pretoria veldtog is: 𝟭𝟬 𝟬𝟬𝟬 𝗵𝗮𝗻𝗱𝘁𝗲𝗸𝗲𝗻𝗶𝗻𝗴𝗲 𝘀𝘁𝗲𝗿𝗸, 𝗵𝗲𝘁 𝗷𝘆 𝗮𝗹 𝗴𝗲𝘁𝗲𝗸𝗲𝗻?
Die Tshwane-metro sal weer in chaos en wanfunksie gedompel word indien ActionSA onttrek uit die bestaande koalisie. Jy kan help!
Besoek www.redpretoria.co.za. Vul jou besonderhede in en stuur aan die leiers van ActionSA, DA, IVP, ACDP en VF Plus 'n brief sodat hulle alles in hul vermoë kan doen om die bestaande koalisie te behou. Veg saam met AfriForum en hou die EFF uit Pretoria!

Episode 327 - Red Pretoria veldtog skop af

AfriForum skop veldtog af om Tshwane-metro uit die EFF se hande te hou AfriForum het ’n omvattende veldtog afgeskop om die Tshwane Metropolitaanse Munisipaliteit uit die hande van ’n EFF-ANC-koalisie te hou. Dit volg nadat ActionSA aangekondig het dat hy dit ernstig oorweeg om hom by die ANC en die EFF te skaar om die burgemeester, Cilliers Brink, uit te stem en sodoende die DA-geleide veelpartykoalisie in die metro ten gronde te laat gaan. Die publiek kan deur die webblad www.redpretoria.co.za só ’n toekoms in die wiele ry. Met die ondertekening van die petisie sal ’n outomatiese skrywe aan leiers van ActionSA, DA, IVP, ACDP en VF+ gestuur word om die geskille in die koalisie so gou moontlik en in die belang van die metro se inwoners by te lê.  
Maroela Media berig: AfriForum wil Tshwane-metro uit die EFF se hande hou “Dis tyd dat die inwoners van die Tshwane-metro hul stemme laat hoor deur dit hard en duidelik te maak dat hulle alles in die stryd sal werp om te verhoed dat ’n EFF-ANC-koalisie mag oor die metro bekom.”
Kallie Kriel @kalliekriel video Help @afriforum om te probeer stop dat 'n EFF-koalisie Pretoria regeer. Dit is wat gaan gebeur indien @Action4SA onttrek uit die huidige koalisie. Jy kan help! Besoek http://redpretoria.co.za en vul jou besonderhede in om outomaties 'n skrywe aan die leiers van ActionSA, DA, IVP, ACDP en VF Plus te stuur waarin jy vra dat hulle alles in hul vermoë doen om die bestaande koalisie te red. Versprei die boodskap asb. dringend aan jou vriende en familie.
Rapport berig: Tweespalt in ActionSA oor verwydering van Cilliers Brink Terwyl Herman Mashaba, ActionSA se leier, skynbaar met vakansie is in die buiteland, is daar spanning tussen die party se verteenwoordigers in Tshwane en die senaat wat die party op nasionale vlak bestuur. Die senaat is volgens ’n bron in die binnekring van die party nie ingenome met die Tshwane-span se toenadering tot die ANC nie.
ActionSA se besluit om hom te onttrek aan die DA-geleide koalisie in Tshwane het die afgelope week amper die gewilde burgemeester, Cilliers Brink, sy amp gekos. ’n Beplande mosie van wantroue, waar ActionSA volgens alle aanduidings met die ANC sou saamspan om hom uit sy pos te verwyder, is op die nipper uitgestel.
Daar is 2 politieke kragte wat inspeel. Nasionaal is daar ‘n Regering van Nasionale Eenheid waar die DA en ander partye deel is van die RNE.
Provinsiaal het die ANC geweier om met die DA saam te werk en verkies om ‘n minderheidsregering te vorm. Deel van die strategie is om politieke beheer oor die Metro’s te kry. Tshwane is die enigste Metro nie onder ANC beheer nie. Vir die ANC om beheer te kry benodig hy die steun van die EFF en ActionSA.
The Citizen berig: Die verhouding tussen die ANC en die DA is sterk aan die bokant waar hulle vreedsaam saamwerk, maar swak aan die onderkant waar hulle mekaar se kele is.
Kenners meen die verduideliking hiervoor is nie moeilik om te vind nie. Dit is geleë in 'n magspel wat deur die ANC en DA gespeel word om mekaar te probeer domineer.
Indien ActionSA besluit om eerder die ANC te steun sal dit die party politieke steun kos in die volgende munisipale verkiesing.

Episode 326 - In die Wes-Kaap kan 2400 onderwysers hul werk verloor. Ander provinsies het nie die probleem nie.

Nuusagenda video: Tot 2400 onderwysers in die Wes-Kaap kan hul werk verloor.
David Maynier die LUR vir Onderwys in die Wes-Kaap skryf:  “Die besluit deur die nasionale regering om nie die 2023-loonooreenkoms ten volle te finansier nie, het ons departement in 'n verskriklike posisie geplaas, en ons sal alles doen wat ons kan om vir ons onderwysers in die Wes-Kaap te veg.”
Die Wes-Kaap Onderwysdepartement (WKOD) staar 'n ernstige begrotingstekort van R3,8 miljard oor die volgende drie jaar in die gesig. Gevolglik het die departement planne aangekondig om vanaf 1 Januarie 2025 die aantal onderwysers met 2 407 te verminder.
Redes vir die begrotingstekort sluit in:
Die nasionale regering verskaf slegs 64% van die befondsing wat nodig is vir die openbare sektor loonooreenkoms, wat die provinsie oorlaat om die oorblywende 36% te dek
Ten spyte van die implementering van 'n drastiese begrotingsbesnoeiing van R2,5 miljard, insluitend administrasie, kurrikulum en infrastruktuur, staar die WKOD steeds 'n aansienlike tekort in die gesig.
Die impak op Onderwysers en Skole is die volgende:
Sommige kontrakonderwysers sal nie heraangestel word nadat hul kontrakte op 31 Desember 2024 eindig nie, en sommige permanente onderwysers sal gevra word om na 'n ander skool te skuif waar daar 'n geskikte vakature is
Die vermindering in poste sal lei tot groter klasgroottes, met 'n geprojekteerde student-tot-onderwyser-verhouding van 1:44
Vakbonde voer aan dat hierdie besluit nie die beste belange van kinders, onderwysers of die onderwysstelsel is nie.
Die WKOD se reaksie is soos volg:
Die WKOD het verklaar dat hulle nie onderwysers afdank of afdank nie, maar eerder die aantal poste verminder. Dit is ‘n strategie met afleggings wat byvoorbeeld ook al in die mynbedryf gevolg is om te praat van poste eerder as werkers. Bepalend is die bewoording in ‘n Artikel 189 afleggings kennisgewing.
Hulle sal nou saamwerk met skole om te bepaal watter onderwysers geraak sal word en om te verseker dat kritieke poste behou word.
Die WKOD het die saak by die Raad van Onderwysministers geopper vir dringende optrede, aangesien hierdie begrotingstekorte al die provinsies raak
Die vraag ontstaan gaan die probleem kop uit steek by ander provinsies. Die Oos-Kaap voer aan hul het nie die probleem nie. Netwerk 24 berig: Geen onderwysposte in Oos-Kaap besnoei, verseker LUR “Terwyl die Wes-Kaap van plan is om meer as 2 000 onderwysposte te besnoei weens gebrekkige finansiering van die nasionale regering, het Fundile Gade, Oos-Kaapse LUR vir onderwys, verseker dat dit nie dié provinsie se lot sal wees nie.”
News 24 berig: Kaapstad gaan in Januarie volgende jaar altesaam 1 674 onderwysposte verloor, terwyl 299 onderwysposte in die Kaapse Wynland-distrik gesny sal word weens ernstige begrotingstekorte van R3,8 miljard.
Die Burger berig op sy voorblad: Sadou vaar dalk die strate in oor posbesnoeiings Die onderwysvakbond die Suid-Afrikaanse Demokratiese Onderwysunie (Sadou) in die Wes-Kaap het in die kryt geklim oor die omstrede besnoeiing van onderwysersposte by skole.
Sadou waarsku dat die moontlikheid van ’n onderwysstaking bestaan sou die konsultasies waarby hy tans betrokke is nie vrugte afwerp nie.

Episode 325 - Minister Thembi Simelane moet VBS vrae antwoord in die parlement.

Netwerk 24 berig: Simelane verskyn Vrydag voor portefeuljekomitee oor VBS-vrae
Thembi Simelane, minister van justisie en staatkundige ontwikkeling, sal Vrydag voor die portefeuljekomitee oor justisie verskyn om duidelikheid te gee oor die VBS-kwessie.
Daar hang ’n donker wolk oor Simelane se kop oor VBS-korrupsiebewerings.
News24 en Daily Maverick het verlede week berig dat Simelane ’n kommersiële lening van R575 600 van Gundo Wealth Solutions, wat deur Ralliom Razwinane besit word, gebruik het om ’n koffiewinkel in Sandton te koop.
Simelane was destyds die burgemeester van Polokwane wat R349 miljoen onregmatig in VBS belê het, bemiddel deur Gundo.
Die beleërde Simelane se verskyning voor die portefeuljekomitee hou verband met adv. Glynnis Breytenbach, DA-LP, se versoek aan Xola Nqola, voorsitter van dié komitee, dat Simelane voor die komitee verskyn om op hierdie bewerings te antwoord.
News 24 berig: Thembi Simelane, minister van justisie, sal voor die ANC se integriteitskommissie gehaal word om 'n kommersiële lening te verduidelik wat sy ontvang het van 'n maatskappy wat 'n transaksie bemiddel het tussen die Polokwane-munisipaliteit van wie sy burgemeester was en nou ontbinde VBS Mutual Bank.
City Press berig: ’n Kontrak vir busse wat nooit afgelewer is nie, omvattende waterprobleme en deurlopende waarskuwings van die ouditeur-generaal oor swak finansiële bestuur.
Dit is van die uitdagings wat Polokwane Plaaslike Munisipaliteit in Limpopo in die gesig gestaar het tydens en ná Thembi Simelane se ampstermyn as burgemeester van Limpopo se hoofstad.
Simelane, voorheen Nkadimeng, was die burgemeester van 2014 tot 2021. Sy is nou die minister van justisie en grondwetlike ontwikkeling en is in die kollig geplaas nadat sy verlede week by die VBS Mutual Bank-skandaal betrek is.
Times Live berig: ’n Openbare geveg het Saterdag tussen ANC-sekretaris-generaal Fikile Mbalula en SAKP-baas Solly Mapaila losgebars oor Mapaila se kritiek op die ANC-geleide regering van nasionale eenheid.
Mbalula het woedend gereageer op 'n onderhoud wat Mapaila aan 'n podcast gegee het waar hy die besluit om die GNU met die DA aan te gaan as 'n "verraad" en 'n "uitverkoop van die aspirasies van ons mense" bestempel het.
Mbalula het 'n reeks plasings op sosiale media afgevuur en aan die Sunday Times gesê Mapaila het die streep oorgesteek en sy uitbarsting was "oneerbiedig".
Petrol byna R1 goedkoper berig Maroela Media. Die prys van brandstof sal Woensdag vir die vierde agtereenvolgende maand daal.
SA rugby het die All Blacks en Nieu-Seelandse Rugby om verskoning gevra oor die volgorde van gebeure wat tot die ontwrigting van die haka gelei het.
Die verklaring lui: “Die Suid-Afrikaanse Rugbyunie het aan die Nieu-Seelandse Rugbyvoetbalunie geskryf om formeel om verskoning te vra vir ’n reeks gebeure wat daartoe gelei het dat die ontwrigting van die Haka tydens Saterdag se Castle Lager Rugbykampioenskapstoets tussen die Springbokke en die All Blacks by Emirates Airline Park in Johannesburg.

Episode 324 - Spanning in Tshwane-koalisie met mosie van wantroue in burgemeester wat twee weke moet wag.

Maroela Media berig: Tshwane-koalisie: ActionSA sê hy besin, DA sê party ‘verraai’ ActionSA het intussen gesê hy waardeer die ANC se tydelike onttrekking van die mosie teen burgemeester Cilliers Brink aangesien dit die party genoeg tyd gee om sy interne hersiening af te handel rakende sy posisie binne die veelpartykoalisie in Tshwane.
EWN berig: Die African National Congress (ANC) en ActionSA in Tshwane het die regerende koalisie in die metro daarvan beskuldig dat hulle swart townships verwaarloos.
Dit het deels beide partye se oproep gemotiveer om burgemeester Cilliers Brink uit sy toppos te verwyder.
Ten spyte hiervan sal Brink sy werk vir nog twee weke behou, hangende die afhandeling van regsaangeleenthede in dié verband.
Netwerk 24 berig: Brink weer vir eers mosie af, maar sy dae is dalk getel
Cilliers Brink, burgemeester van Tshwane, kan vir eers rustig slaap as eerste burger van die hoofstad, maar dit gaan van korte duur wees.
Sy dringende aansoek by die hooggeregshof in Pretoria het die ANC Donderdag net-net afgeskrik om nie Vrydag voort te gaan met sy dringende wantrouemosie teen Brink nie.
Brink sou Vrydag op ’n raadsvergadering ’n dringende wantrouemosie moes trotseer, maar hy en die DA het op Donderdag se raadsvergadering hofdokumente aan die ANC bedien om ’n stokkie voor dit te steek.
Die ANC het tydens die sitting vir ’n koukus gevra om die dokumente met hul regsverteenwoordigers deur te gaan. Ná die tyd het die ANC gesê die wantrouemosie is vir eers van die baan.
Luidens die DA se hofstukke is daar nie gronde om die wantrouemosie op ’n dringende basis te laat voortgaan nie. Die party sê ook die dringende mosie van wantroue is ongeldig en ongrondwetlik.
News 24 berig: Ten spyte van 'n aankondiging deur ActionSA in Tshwane dat hy die DA-geleide koalisie in die hoofstad gaan verlaat, het die party se nasionale leierskap volgehou dat sy standpunt steeds hersien word.
Aksie SA se streeksvoorsitter, Jackie Mathabathe, het Donderdag tydens 'n impromptu persinligtingsessie saam met die ANC en EFF gesê 'n besluit is geneem om die veelpartykoalisie te verlaat. Hy het verder bevestig dat die party saam met die ANC en EFF sal stem om burgemeester Cilliers Brink deur 'n mosie van wantroue te verwyder.
News 24 berig: Byna 6 200 mense is binne net drie maande in Suid-Afrika vermoor. Tussen begin April en einde Junie het die polisie 6 198 moorde regoor die land aangeteken.
Misdaadstatistiek skets donker prentjie, samewerking met burgerlike samelewing nou noodsaaklik Die misdaadstatistiek vir die eerste kwartaal van die 2024/2025-boekjaar skets ’n onheilspellende prentjie oor hoe die toekoms van Suid-Afrika gaan lyk as die minister van Polisie, Senzo Mchunu, nie daartoe verbind is om ernstige geweldsmisdade in die kiem smoor nie. Die feit dat kontakmisdade met 3 831 gevalle vanaf 149 806 in dieselfde tyd verlede jaar toegeneem het, beklemtoon die belangrikheid daarvan dat die Suid-Afrikaanse Polisiediens (SAPD) kragte saamsnoer met burgerlike veiligheidstrukture soos AfriForum se 177 buurtwagte.

Episode 323 - Waterkrisis klop aan die deur

Netwerk 24 berig: Dringende optrede nodig om waterkrisis af te weer, sê Mashatile Dringende optrede is nodig om ’n krisis met waterverskaffing in die land af te weer, sê adj.pres. Paul Mashatile.
Hy het Dinsdag in ’n toespraak op ’n beplanningsessie van die Nasionale Raad van Provinsies (NRP) oor beleidsprioriteite en toesig op nasionale, provinsiale en plaaslike vlak gesê in samewerking met plaaslike regering moet begrotings vir waterinfrastruktuur voorrang geniet.
As voorbeeld daarvan word daar volgens hom ’n vennootskapsmodel tussen die private en die openbare sektor vir waterverskaffing in werking gestel.
Die nasionale tesourie en die departement van water en sanitasie sal betrokke wees “om te verseker ons los die waterkrisis, nes die kragkrisis, op”.
Maroela Media berig: Wet bekragtig vir nuwe wateragentskap   Cyril Ramaphosa het wetgewing bekragtig vir die totstandkoming van ’n nuwe agentskap wat vir die ontwikkeling en bestuur van nasionale waterinfrastruktuur verantwoordelik sal wees.
City Press berig: Adjunkpresident Paul Mashatile het onthul dat die regering 'n publiek-private vennootskap (PPP)-model in watervoorsiening sal instel wat saam met die Nasionale Tesourie en die departement van water en sanitasie sal saamwerk in pogings om die voortslepende waterkrisis in die land te hanteer.
Volgens Mashatile is hierdie maatreël daarop gemik om die potensiële waterkrisis op te los soortgelyk aan hoe dit gedoen is om die energie- en beurtkragkrisis hok te slaan.
"Ons moet optree voordat daar 'n krisis is," het hy gesê.
BusinessTech berig: Munisipale skuld dryf waterrade tot bankrotskap
Die Parlement se portefeuljekomitee oor Water en Sanitasie het onthul dat munisipale skuld aan waterrade nou op R22,36 miljard staan ​​– meer as R1 miljard meer as die bedrag wat onlangs deur die Minister bekend gemaak is.
Die skuld aan waterrade het die afgelope paar jaar toegeneem, met 'n gemiddelde toename van 151% tussen 2019 en 2024.
Terwyl dit aanvanklik uiteengesit is dat die direksies beperkings op hul bedrywighede in die gesig sou staar as gevolg van die skuld, het die Parlementêre komitee geskets dat die ware omvang van die impak daarvan baie erger is.
Maroela Media berig: ‘Watermafia’ hou land se watersekerheid gyselaar  “Die regering se onvermoë om die sogenaamde ‘watermafia’ se onwettige bedrywighede egter te stuit, beteken dat kwesbare gemeenskappe steeds aan hierdie sindikate uitgelewer word.”
Video’s is vandag op die sosiale media versprei van sneeu op Tafelberg